Posts tagged ‘sad poetry’

Best Urdu Poetry and Ghazals

Here is a beautiful Ghazal in Urdu Poetry.

Tu hawa kay hath pe chahatoun ka dia jalanay ki zid na kar,
Yeh udaas logun ka sheher ha yahan muskuranay ki zid na kar,

Main muhabbatoun ka dasa hua, mera gham hai hadd say barha hua,
Main shikasta ghar ki misal hun meray pas anay ki zid na kar,

Main teri ghazal to nahi hun jo, har ik kay lab per saji rahun,
Main tow aik misra-e-dard hun, mujhay gungunanay ki zid na kar,

Abhi laot aa abhi waqt ha abhi jan baki ha jism main,
Tujhay ilm hai meri jan hai tu, mujhay aazmany ki zid na kar,

A really amazing sad poetry ghazal is the above. I just loved the second shair “main shikasta ghar ki misal hun meray pas anay ki zid na kar”. Here is another one…

Jo Bhi Dukh Yad Na Tha Yad Aya,
Aaj Kya Jaaniay Kya Yad Aya,

Phir Koi Hath Hai Dil Par Jaisay,
Phir Tera Ehd-E-Wafa Yad Aya,

Jis Tarah Dhund Mein Liptay Huay Phool,
Ik aik NaQsh Tera Yad Aya,

Aisi Majburi Ke Alam Mein Koi,
Yad Aya Bhi To Kya Yad Aya,

Aye RafeQ Sar-E-Manzil Jakar,
Kya Koi Aablaapa Yaad Aaya,

Yaad Aaya Tha Bichhadna Tera,
Phir Nahi Yaad Ke Kya Yaad Aaya,

Jab Koi Zakhm Bana Daagh Bana,
Jab Koi Bhul Gaya Yaad Aaya,

Ye Mohabbat Bhi Hai Kya Rog,
Jisko Bhule Wo Sada Yaad Aaya…

Hope you liked my Urdu poetry 🙂

Advertisements

Some Urdu Poetry

Sad Poetry

Aey dila? ham huay paband-egham e yaar k tu?
Ab musibat main bhala ham hain giraftar kay tu?

Here is another piece of poetry.

Ranj kuch kam to hua aaj teray milnay say,
Yeh alag bat kay woh bat na thi pehli si,

Ek or sad poetry ka bohot alaa shair arz ha.

Ekhlas, pyar, rabt, muhabbat, talukaat,

ab yeh tamam lafz hain nishtar banay huay,

Urdu Sad Poetry | Ahmed Faraz

Urdu Sad Poetry | Ahmed Faraz

Sab Qarenay usi dildar kay rakh dety hain,
ham ghazal main bhi hunar yaar k rakh dety hain,

Shayad aa jayen kabhi chashm e kharidar main ham,
jan o dil baich k bazar main rakh dety hain,

Zikr e janaan main yeh duniya ko kahan le aye,
log kiun mas’alay baykaar kay rakh dety hain,

Zindagi teri amanat ha magar kya keejay,
Log yeh bojh bhi thak har k rakh dety hain,

Ham to chahat main bhi Ghalib k Mukallid hain faraz,
Jis pe marty hain usay maar kay rakh dety hain,

This is a very beautiful urdu sad poetry for you guys. The designed version is also seen below.

Urdu Poetry

Urdu Shair | Ashraf Hassan Saoz

A beautiful Urdu Shair by an unknown poet Ashraf Hassan Saoz is also a part of our today’s Urdu Sad Poetry.

LAgi thi aag darakhtoon ko ik zamana hua,
Dhuwaan sa aaj bhi uth’ta ha aashiyanu main,

Urdu Sad Poetry

OUR MAIN SITE : URDU POETRY

Beautiful Sad Urdu Poetry

Sad Poetry

Bara dushwar hota ha,

Zara sa faisla karna

K jeevan ki kahani ko,

kahan say yad rakhna ha,

kahan say bhool jana ha,

Isay kitna batana ha,

Isay kitna chupana ha,

kahan ro ro k hansna ha,

Kahan hans hans k rona ha,

kahan awaz dena ha,

Kahan khamosh rehna ha,

kahan rasta badalna ha

Kahan say laot ana ha,

bara dushwar hota ha,

zara sa faisla karna,,,

Beautiful urdu poetry

Really beautiful and sad urdu poetry

Beautiful Urdu Poetry

Allama Iqbal Beautiful Shair

Teray Azad banoun ki na yeh duniya na woh duniya,

Yaha Marnay ki pabandi, wahan jeenay ki pabandi,

Allama Iqbal is a great poet of the east and has very motivating and inspirational poetry, One Pice of poetry i have put before you is a very deep and beautiful Shair…

Iqbal Poetry

A Beautiful Urdu Nazm ANAA

ANAA k sath kuch lamhay bitana theek ha lekin,

Anaa k sath sab lamhay bitana sakht mushkil ha,

Kamaan main is k teeroun ka zaheera kam nahi hota,

Nishana ho khata is ka,

Ye mumkin hi nahi janaan,
ANAA k hath se tootay huay taaray,

kabhi jurtay nahi dekhay,

Samandar kay kinaray jis tarah miltay nahi dekhay,

ANAA k sath kuch lamhay bitana theek ha lekin,

Anaa k sath sab lamhay bitana sakht mushkil ha,

A beautiful urdu nazm
A beautiful Urdu Nazm on EGO (ANAA) The Poet says that in Love The Ego and has to be compromised at some stage. Ego can destroy a relation as no one is ready to compromise it and the distance between Loveones always continue to be increasing. In the bow of EGO there are so many kinds of Poisonous arrow and the Ego does not miss its target…

Urdu Poetry Iqbal Poetry

Here are some beautiful couplets….
Aankhoun ko nahi soojhta aazar kahan,
Ehsaas k talway main chupa khaar kahan,
jo jhaag sa uthaa tha kabhi apnay saroun,
Ab dekhiyay wo tarh pindaar kahan…

Ek or shair…

Na janay kon sa Aasaib dil main rehta ha,
Jo bhi aa k thehra makaan chor gaya,


A beautiful Nazm

Abhi woh dard baki hai ,

Agarchay waqt marham hai,

Magar kuch waqt lagta hai,

Kisi ko bhool janay mein,

Dobara dil basaanay mein ,

Abhi kuch waqt lagna hai,

Abhi woh dard baki hai,

Main kaisay naee ulfat main,

Apni zaat ko gum kar doun,

Kay maray Jism-O-Jaan mein,

Abhi woh fard baki hai,

Abhi uss shakhs ki mujh par,

Nigah-E-Sard baki hai,

Abhi to ishq k raastoon ki,

Mujh par gard baki hai,

ABHI WOH DARD BAKI HAI…

Poetry of Allama Iqbal

Mein soyi jo ik shab to dekha ye khwab
Barha aur jis say mera istaraab
Ye dekha ke mein jaa rahi hoon kahin
Andhera hai aur rah milti nahi
Larazta tha dar se mera baal baal
Kadam ka tha dehshat se uthna mahal
Jo kuch hosla paa ke aagay barhi
To dekha kataar ek larko ki thi
Zamarud si poshaak pehnay huay
Diye sab ke hatho mein jaltay huay
Wo chup chap thay agay peechay rawaan
Khuda janay jana tha un ko kaha
Isi soch mein thi ke mera laal
Mujhe is jamaat mein aya nazar
Wo peechay tha aur taiz chalta na tha
Diya us ke haathon mein jalta na tha
Kaha meine pehchan kar meri jaan
Mujhe chor kar aa gaye tum kahan
Judai mein rehti hoon mein be qarar
Parooti hoon har roz ushkoon ke haar
Na parwa meri zara tum ne ki
Gaye chor achi wafa tum ne ki
Jo bachay ne dekha mera paich o tab
Diya us ne munh phair kar yun jawab
Rulati hai tujh ko judai meri
Nahi us mein kuch bhi bhalai meri
Ye keh kar wo kuch dair tak chup raha
Diya phir dikha kar ye kehnay laga

Samajhti hai tu hogaya kia isay ?
Teray aansuoon ne hai bujhaya isay !!!!!!

ALLAMA IQBAL

Sad Poetry

Sad Poetry is what today i have selected for you. Poetry is a way to communicate and tell others what you can not say in simple words. Sad Poetry is written when there is a deep wound in the lovers heart and yet to be healed.

All Post: Sad Poetry

%d bloggers like this: